मा प्रकाशित
कनिका खबर
असार २० बझाङ ।
बझाङमा आज बिहान गएको पहिरोमा पुरिएर बेपत्ता भएका सात जनाको शव फेला परेको छ । पहिरोका कारण १८ घर पूर्ण रुपमा बगाएको र दुई वटा घरमा क्षति पुगेको स्थानीयले बताएका छन् ।
मृतकको सनाखत भइनसकेको बझाङ्का सहायक प्रमुख जिल्ला अधिकारी रामबहादुर सार्कीले बताएका छन् । आज बिहान दुई बजेतिर गएको पहिरोले क्षति भएको हो ।
पहिरोमा बेपत्ता भएको आशंका गरिएका २८ जना भने गाउँलेको सम्पर्कमा आएका छन् । गाउँमा ४० परिवारको बसोबास रहेको छ । पहिरो गएको गाउँमा उद्धारमा नेपाल प्रहरी, नेपाली सेनाको टोली र स्थानीय खटिएका थिए ।
