कनिका खबर
असार २१, दाङ ।
केही दिन अघि दाङमा एक युवतीले फेसबुक लाइभ गरेर आत्महत्या गरेपछि यो प्रवृत्ति विस्तार हुन थालेको छ । कोभिड १९को महामारीबाट बच्नका लागि सरकारले गरेको बन्दाबन्दीका बिचमा आत्महत्या गर्नेको संख्या ह्वात्तै बढेको हो । दाङको तुलसीपुरमा एक युवतीले गरेको आत्महत्याको प्रकृतिलाई चितवनमा अर्की युवतीले पछ्याएकी छिन् ।
चितवनमा शनिबार राति भरतपुरको स्याउली बजारमा १९ वर्षीया युवतीले सामाजिक सञ्जाल फेसबुकमा लाइभ गरेर झुण्डिएर आत्महत्या गरेकी हुन् ।
जिल्ला प्रहरी कार्यालय चितवनका इन्सपेक्टर सुभास भट्टका अनुसार भरतपुर महानगरपालिका–२४ घर भएकी ती युवतीले फेसबुकमा लाइभ भएर आत्महत्या गरेको जानकारी दिए ।
ती युवती भरतपुरको स्याउली बजारमा एउटा फ्ल्याटमा भाडामा तीनजना साथीसँग बस्दै आएकी थिइन् । साथीहरुको नभएको समयमा ती युवती सलको पासो लगाएर झुण्डिएकी प्रहरीको भनाइ छ ।
