कनिका संवाददाता
असार २२, काठमाडौं
स्वास्थ्य तथा जनसंख्या मन्त्रालयका अनुसार काठमाडौं उपत्यकाका तीन जिल्लामा सोमबार ५४ जना कोरोना संक्रमित भेटिएका छन् ।
स्वास्थ्य तथा जनसंख्या मन्त्रालयका अनुसार काठमाडौं जिल्लामा २४, ललितपुरमा २० र भक्तपुरमा १० जना संक्रमित भेटिएका हुन् ।
पछिल्लो समय काठमाडौंमा कोरोना संक्रमितको संख्या बढ्न थालेको छ । संक्रमित कहाँका हुन् भन्ने मन्त्रालयले खुलाएको छैन ।
यो संगै पछिल्लो २४ घण्टामा एक सय ८० थपिएसँगै कोरोना सङक्रमितको संख्या १५ हजार ९६४ पुगेको छ भने हालसम्म ६ हजार आठ सय ११ जम्मा कोरोना निको भएर डिस्चार्ज भएका मन्त्रालयका प्रवक्ता डा. जगेश्वर गौतमले जानकारी दिनुभयो ।