फलफूलको जुस र पेय पदार्थको नयाँ मापदण्ड निर्धारण

कनिका खबर
असार २३, दाङ ।
सरकारले फलफूलको जुस र पेय पदार्थको नयाँ मापदण्ड निर्धारण गरेको छ । खाद्य प्रविधि तथा गुण नियन्त्रण विभागले जुस र फलफूलको पेय पदार्थको अहिलेको मापदण्ड हटाएर अन्तर्राष्ट्रिय मापदण्डअनुसार मापदण्ड बनाएको हो ।
उपभोक्ता स्वस्थ्य, स्वच्छ बजार र प्रतिस्पर्धाका लागि खाद्य ऐन अनुसार मापदण्ड परिवर्तन गरिएको छ । नयाँ मापदण्डले जुसमा पानी नहुने र फलफूलको मात्रा निर्धारण सुनिश्चित गरेको छ । विभागले स्वीकृत गरेको मापदण्डमा विश्व व्यापार सङ्गठन (डब्लुटीओ) का सदस्य राष्ट्रको राय र सुझावका लागि पठाइएको छ ।