भिटामिन ‘ए’ र जुकाको औषधि खुवाइँदै

तिर्थराज ज्ञवाली
असार २३, दाङ ।
राप्ती गाउँपालिकाका सम्पुर्ण खोप केन्द्र वाट पाँच वर्षसम्मका बालबालिकालाई हिजो सोमबार भिटामिन ‘ए’ र जुकाको औषधि खुवाइएको छ । हिजो खान छुटेकालाई घरघरमै गएर आज खुवाइनेछ ।
राप्ती क्षेत्रका ६४ स्यंसेवीकाहरुद्वारा बालबालकालाई भिटामिन ‘ए’ र जुकाको औषधि खुवाउन थालिएको राप्ती गाउँपालिका स्वास्थ्य शाखा संयोजक नारायण राउतले बताए ।
नजिकको खोप केन्द्रमा लगेर बालबालिकाहरुलाई भिटामिन ए र जुकाको औषधि खुवाउन राप्ती गाउँपालिका स्वास्थ्य शाखाले सबै अभिभावकहरुलाई अनुरोध गरेको छ ।
गत वैशाख ६ र ७ गते तय गरिएको यो कार्यक्रम कोरोना भाइरसको महामारीका गत चैत २१ गते स्थगित गरिएको थियो ।
बालबालिकालाई भिटामिन ए, जुकाको औषधि र बालभिटा पनि खुवाउने गरिन्छ । जुकाको औषधि एक वर्षभन्दा माथिका बालबालिकालाई मात्र दिने गरिएको छ ।