मा प्रकाशित
कनिका संवाददाता
असार २४, नुवाकोट
नुवाकोटको पूर्वी भेगमा रहेको लिखु गाउँपालिका वडा नं १ को वडा कार्यालय भवन निमार्णको लागि स्थानीय धर्मदत्त लामिछानेले १ रोपनीे जग्गा दान गर्नुभएको छ । उहाँले लिखु गाउँपालिका वडा नम्बर १ राममन्दिर स्थित कित्ता नं ७०१६ र ४१२९ को ८० लाख रुपैयाँ मुल्य बराबरको १ रोपनी जग्गा वडा नम्बर १ वडा कार्यालयलाई दान दिनुभएको हो ।
जग्गा पाएपछि वडा कार्यालयको भवन निर्माण कार्य सुरु भएको छ । लिखु गाउँपालिकाको कुनै पनि वडाको आफ्नै भवन छैन । जग्गा पाएपछि वडाले कार्यालय भवन निर्माणको काम सुरु गरेको हो । जिल्ला समन्वय समिति नुवाकोटका प्रमुख सन्तमान तामाङ, लिखु गाउँपालिकाका अध्यक्ष धु्रव श्रेष्ठ लगायतले जग्गादाता लामिछानेलाई सम्मान गर्नुभयो ।
