मा प्रकाशित
कनिका संवाददाता
असार २५, काभ्रे
काभ्रेको नमोबुद्ध नगरपालिकाले नगर भित्रका महिला स्वास्थ्य स्वयंसेविकालाई सिमकार्ड र मोबाइल वितरण गरेको छ । नगरपालिकाले ११ वटै वडामा रहेका ८२ जना महिला स्वास्थ्य स्वयंसेविकालाई सञ्चार सामग्री हस्तान्तरण गरेको हो । नगरपालिकाले नगरमा रहेका सम्पूर्ण महिला स्वास्थ्य स्वयंसेविकाहरुको निःशुल्क बीमा गरीदिने स्वास्थ्य शाखा संयोजक राजु बोगटिले जानकारी दिनुभयो । उहाँले स्वास्थ्य स्वयंसेविकाहरुको निमित्त महिनाको १ हजार थप भत्ता र सञ्चार खर्च बापत् वार्षिक २५ सय उपलब्ध गराउने पनि बताउनुभयो । सिमकार्ड र मोवाइलको लागि नगरपालिकाले चालु आर्थिक बर्ष २०७६÷०७७ मा २ लाख ११ हजार विनियोजन गरेको थियो ।
