मा प्रकाशित
कनिका डेस्क
असार २५, दाङ
संयुक्त राज्य अमेरिकामा कोरोना भाइरसका कारण सङ्क्रमित हुनेको सङ्ख्या ३० लाख नाघेको छ । अमेरिकी विश्वविद्यालय जन हपकिन्सका अनुसार पछिल्लो २४ घन्टामा अमेरिकामा ६० हजार नयाँ कोरोना सङ्क्रमित फेला परेका छन् । योसँगै अमेरिकामा हालसम्म कोरोना भाइरसका कारण सङ्क्रमित हुनेको सङ्ख्या ३० लाख एक हजार नाघेको छ । यस्तै पछिल्लो २४ घन्टामा अमेरिकामा कोरोना सङ्क्रमणका कारण ७ सयभन्दा बढीको मृत्यु भएको छ । बीबीसीले लेखे अनुसार कोरोना महामारीका कारण विश्वकै सबैभन्दा बढी प्रभावित मुलुक अमेरिकामा कोरोना सङ्क्रमणका कारण मृत्यु हुनेको सङ्ख्या एक लाख ३४ हजार नाघेको छ । कोरोनाका कारण पछिल्लो समय अमेरिकाको क्यालिफोर्निया, टेक्सास लगायतका राज्य बढी प्रभावित बनेका छन् ।
