लक्ष्मण बस्नेत
दाङ, ११ कार्तिक ।
दाङको तुलसस्पुरमा प्रथम नवयुथ कप पुरुष भलिबल प्रतियोगिता २०८० हुने भएको छ । तुलसीपुर उपमहानगरपालिका वडा न १ को आयोजना तथा नवयुथ क्लब तुलसीपुर १ को समन्वयमा सञ्चालन हुने प्रतियोगिता यही कार्तिक १७ गतेदेखि सुरु हुनेछ ।
तुलसीपुर १ छोटे शिव मन्दिर खेल मैदानमा तीन दिनसम्म सञ्चालन हुने प्रतियोगितामा तुलसीपुर नगरभित्रका १९ वडाका टिमको सहभागिता रहनेछ ।
प्रतियोगिताको बिजेता टिमले नगद ४० हजार, कप, मेडल प्रमाणपत्र हात पार्नेछ । त्यस्तै उप विजेता टिमले नगद २० हजार, कप, मेडल प्रमाणपत्र हात पार्नेछ ।
त्यस्तै प्रतियोगिता अवधिभर उत्कृष्ट खेल प्रदर्शन गर्ने खेलाडी मध्ये व्यक्तिगत बिधातर्फ सर्वोत्कृट खेलाडीलाई नगद १ हजार र ट्रफी , बेूट स्पाईकर, बेस्ट सर्भर, बेस्ट ब्लकरलाई नगद ५ सयका साथमा ट्रफी प्रदान गरिने नवयुथ क्लबका अध्यक्ष वालकृष्ण धितालले जानकारी दिए ।