दाङ, २९ वैशाख ।
दाङमा बन्चरो प्रहार गरी दुई महिलाको हत्या गरिएकाे छ । जिल्लाकाे घोराही उपमहानगरपालिका वडा नम्बर .१० पहेलपार निवासी अन्दाजी ५० वर्यीया जुपली बुढाको र सुर्खेत बिरेन्द्रनगर नगरपालिका वडा नम्बर २ चनाबारी निवासी ४४ वर्षीया संगिता सुनारकाे हत्या भएकाे जिल्ला प्रहरी कार्यालय दाङले जनाएको छ ।
घोराही उपमहानगरपालिका वडा नम्बर .१० पहेलपार निवासी अन्दाजी ५० वर्यीया जुपली बुढाको घरको भान्छा कोठामा उनीहरूलाई बन्चरो प्रहार गरी हत्या गरिएकाे प्रहरीले जनाएको छ ।
हत्याकाे आराेपमा रोल्पा थवाङ गाउँपालिका वडा नमेबर २ घर भई हाल दाङकाे घोराही उपमहानगरपालिका वडानम्वर १७ चौघेरा बस्ने रा १ ह ३७७९ नम्बरको अटो चालक ५७ वर्षीया टेक बहादुर घर्तीलाई प्रहरीले पक्राउ गरेकाे छ । प्रहरीले उनलाई आज बेलुका १७:३० बजे घटनास्थलदेखि अन्दाजी डेढ किलाेमिटर दक्षिण सौडिकुलाबाट नियन्त्रणमा लिएकाे हाे । घटनाबारे थप अनुसन्धान भइरहेको प्रहरीले जनाएको छ ।
