अमेरिकामा दिन प्रतिदिन कोरोना सङ्क्रमणको नयाँ रेकर्ड कायम हुँदै

कनिका खबर
असार २७, दाङ ।
कोरोना महामारीका कारण विश्वकै सबैभन्दा बढी प्रभावित मुलुक अमेरिकामा दिन प्रतिदिन कोरोना सङ्क्रमणको नयाँ रेकर्ड कायम हुँदै गएको छ । पछिल्लो २४ घन्टामा अमेरिकामा ७० हजारभन्दा बढी नयाँ कोरोना सङ्क्रमित थपिएका छन् । यो एकैदिन भेटिएको हालसम्मकै धेरै कोरोना सङ्क्रमितको संख्या हो । यो संख्यासँगै अमेरिकामा कोरोना सङ्क्रमितको संख्या ३२ लाख ९१ हजार ७ सय नाघेको छ । यस्तै कोरोना भाइरस सङ्क्रमणका कारण मृत्यु हुनेको संख्या १ लाख ३६ हजार ६ सय नाघेको छ ।