मलेसियाबाट पहिलो चरणमा ३३ सय २२ जना नेपालीको उद्दार – Kanika Khabar
Tuesday, January 19Nepali News Portal

मलेसियाबाट पहिलो चरणमा ३३ सय २२ जना नेपालीको उद्दार


    मा प्रकाशित

कनिका खबर
असार २८, काठमाडौँ ।
मलेसियाबाट पहिलो चरणमा ३३ सय २२ जना नेपालीको उद्दार गरिएको छ । कोरोना भाइरस महामारीका कारण विदेशमा अलपत्र परेका नेपालीहरुलाई घर फर्काउन सुरु गरिएको पहिलो चरणको उडानमार्फत् उनीहरुको उद्दार गरिएको हो ।
नेपाल एयरलाईन्स, हिमालय एयरलाईन्स र मालिन्दो एयरबाट समेत गरी २१ वटा उडानमार्फत ३३ सय २२ जना नागरिकहरु नेपाल फर्किएका हुन् । पहिलो उडान एक महिना पहिले १८ जुनमा भएको थियो । यस अवधिमा मलेसिया बाहेक इण्डोनेसियाबाट २०, फिलिपिन्सबाट १ सय ९, हङकङ, भियतनाम, सिंगापुर, ताइवान र स्पेनमा रहेका नेपालीहरु समेत नेपाल फर्किएको क्वालालाम्पुरस्थित नेपाली दूतावासको कार्यालयले जनाएको छ ।
फिलिपिन्समा अलपत्र परेका १ सय ८ जना नेपाली नागरिकहरुसहित हिमालय एयरलाइन्स १२ जुलाईमा नेपाल फर्किएको थियो । क्वालालम्पूरबाट भएका उडानहरुबाट मलेसियाको विभिन्न जेलरडिटेन्सन केन्द्रहरुमा रहेका ६९ जना नेपाली नागरिकहरु समेत नेपाल फर्किएका हुन् । यसैगरी उद्दारका लागि गएका उडानहरुबाट ३९ वटा शवहरु समेत नेपाल ल्याइएको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्