कनिका संवाददाता
असार २९,काठमाडौं
आज नेपालमा कोरोना भाइरसका एक सय ४४ जनामा नयाँ सङ्क्रमित भेटिएका छन् । स्वास्थ्य तथा जनसंख्या मन्त्रालयका अनुसार पाँच हजार आठ सय ५६ जनाको पीसीआर विधिबाट कोरोना सङ्क्रमण परीक्षण गर्दा एक सय ४४ जनामा संक्रमण देखिएको हो । नेपालमा कुल कोरोना संक्रमितको संख्या १६ हजार नौ सय ४५ पुगेको छ । कोरोना सङ्क्रमण उपचारपछि निको भएर डिस्चार्ज हुनेको कुल संख्या १० हजार दुइ सय ९४ पुगेको छ । पछिल्लो २४ घण्टामा एक हजार सात सय पाँच जना डिस्चार्ज भएका स्वास्थ्य मन्त्रालयका प्रवक्ता डा. जागेश्वर गौतमल जानकारी दिनुभयो । सक्रिय सङ्क्रमितको संख्या ६ हजार ६ सय १३ रहेको छ । यसैविच काठमाडौं उपत्यकामामा मात्र पछिल्लो २४ घण्टामा नौ जना कोरोना सङ्क्रमित भेटिएका छन् । काठमाडौं जिल्लामा तीन जना, ललितपुरमा पाँच जना र भक्तपुरमा एक जनामा कोरोना सङक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
