कनिका संवाददाता
असार २९, धादिङ
धादिङबेसी बजार क्षेत्रभित्र रहेका संस्थागत विद्यालयहरुले यही साउन १५ गतेबाट विद्यालयको पठन, पाठन सुरु गर्ने निर्णय गरेका छन् । आज धादिङबेसीमा रहेका संस्थागत विद्यालयहरुका सञ्चालकहरुको भेलाले यस्तो निर्णय गरेको हो । भेलाले विद्यार्थीहरुको पठन पाठनलाई मध्यनजर गर्दै अभिभावकहरुलाई समन्वय गरी सम्पूर्ण सुरक्षा व्यवस्था अपनाएर तहगत रुपमा साउन १५ गतेबाट पठन, पाठन सुचारु गर्न पहल गर्ने निर्णय गरेको हो । यस्तै भेलाले हाल सञ्चालन भइरहेका अनलाइन कक्षाहरुलाई थप व्यवस्थित बनाउदै परिस्कृत तथा विस्तार गर्ने निर्णय पनि गरेको छ । कोरोना भाइरस कोभिड १९ लाई रोकथाम र नियन्त्रण गर्न २०७६ साल चैत्र ११ गतेबाट सरकारले लकडाउन घोषणा गरेपछि देशभरका संस्थागत तथा सामुदायिक विद्यालयहरु बन्द रहेका कारण लाखौ विद्यार्थीहरुको पठनपाठन अबरुद्ध भएको छ ।
मा प्रकाशित
