काठमाडौं, २६ फागुन ।
नेपाली काङ्ग्रेसले राष्ट्रियसभा अध्यक्षमा उम्मेदवारी दिने निर्णय गरेको छ। आज शनिबार सभापति शेरबहादुर देउवा निवास बूढानीलकण्ठमा बसेको पदाधिकारीको बैठकले राष्ट्रियसभा अध्यक्षमा उम्मेदवारी दिने निर्णय गरेकाे हाे।
बैठकमा सहभागी एक नेताका अनुसार काङ्ग्रेसले राष्ट्रियसभा अध्यक्षका लागि अन्य दलसँग पनि छलफल खुला राख्ने निर्णय गरेकाे छ।
यही फागुन २० गतेदेखि राष्ट्रियसभाका निवर्तमान अध्यक्ष गणेशप्रसाद तिमिल्सिना ६ वर्षे कार्यकाल सकेर बिदा भएपछि उक्त पद रिक्त छ। अध्यक्षको रिक्त पदका लागि आगामी २९ गते चुनाव हुँदै छ ।