दाङ, २२ चैत ।
दाङ जिल्ला उद्योग वाणिज्य संघकाे आयाेजनामा वक्तृत्वकला प्रतियोगिता सम्पन्न भएकाे छ । संघकाे ५४ ओैँ स्थापना दिवसकाे अवसरमा `दाङकाे समृद्धि र विकासका लागि उद्याेग वाणिज्य संघकाे भूमिका ´ विषयमा वक्तृत्वकला प्रतियोगिता सम्पन्न भएकाे हाे ।
प्रतियोगितामा उद्याेगी व्यवसायीहरूले भाग लिएका थिए । प्रतियोगितामा नवीन श्रेष्ठ प्रथम, खेमराज भण्डारी द्वितीय, भिमसेन डिसी तृतीय र जीवा भुसाल सान्त्वना भएका थिए ।
कार्यक्रममा संघका पूर्व सचिव सुन्दर गाैतम, निवर्तमान सचिव माया पाेख्रेल र मेचीकाली सेकेन्डरी बाेर्डिङ स्कुलका प्रिन्सिपल चक्रबहादुर रावत निर्णायक रहेका थिए ।
कार्यक्रममा निवर्तमान अध्यक्ष टंकसिंह बुढाथोकी, पूर्व अध्यक्ष नारायण भुसाल लगायतले मन्तव्य राखेका थिए ।
संघका अध्यक्ष बसन्त जाेशीकाे अध्यक्षता तथा पूर्व अध्यक्ष रामदयाल गुप्ताकाे प्रमुख आतिथ्यतामा कार्यक्रम सम्पन्न भएकाे हाे ।
संघका वरिष्ठ उपाध्यक्ष नरेश श्रेष्ठको स्वागत मन्तव्यबाट सुरू भएकाे कार्यक्रमकाे सहजीकरण एसाेसियट सदस्य तथा कार्यक्रमका संयाेजक युवराज पाेख्रेलले गरेका थिए ।
