मा प्रकाशित
काठमाडौँ, ७ वैशाख ।
आज शुक्रबार एक दिनका लागि मनकामना केबलकार बन्द हुने भएको छ।
केबलकार टावरमा सामान्य मर्मत गर्नुपर्ने भएकाले आज शुक्रबारका दिन केबलकारको सेवा बन्द गर्न लागिएको मनकामना दर्शन प्रालिले जनाएको छ।
केबलकारको सेवा भोलि शनिबारदेखि नियमित सञ्चालनमा आउने प्रालि ले जनाएको छ ।
चितवनको इच्छाकामना गाउँपालिका– ४ कुरिनटारबाट गोरखाको सहिदलखन गाउँपालिका– ३ स्थित प्रसिद्ध धार्मिकस्थल मनकामना माईको मन्दिर जाने भक्तजनको सहजताका लागि २०५५ सालदेखि केबलकार सञ्चालनमा ल्याइएको हो।
