मा प्रकाशित
रुकुम पश्चिम,१८ वैशाख ।
रुकुम पश्चिममा सवारी दुर्घटनामा परी एकजनाको मृत्यु भएको छ । रुकुम पश्चिममा ट्रकको ठक्करबाट मोटरसाइकल चालकको मृत्यु भएको हो । मृत्यु हुनेमा त्रिवेणी गाउँपालिका–४ खाराका ४५ वर्षीय जयबहादुर गिरी रहेको प्रहरीले जनाएको छ ।
जिल्लाको त्रिवेणी गाउँपालिका वडा नम्बर ४ सिम्रुतु भन्ने स्थानमा आज मङ्गलबार बिहान रा १ ख ३२१७ नम्बरको मिनी ट्रकले रा ६ प ८५५८ नम्बरको मोटरसाइकललाई ठक्कर दिएको थियो। जिल्ला प्रहरी कार्यालयका प्रहरी निरीक्षक विष्णुप्रसाद श्रेष्ठका अनुसार ट्रकको ठक्करबाट गिरीको घटनास्थलमै मृत्यु भएको हो । ट्रक चालक सल्यानको छत्रेश्वरी गाउँपालिका वडा नम्बर ७ निवासी २९ वर्षीय लक्ष्मण खड्कालाई प्रहरीले नियन्त्रणमा लिएको छ।
