दाङ, १८ वैशाख ।
जिल्ला प्रशासन कार्यालय दाङले याे वर्ष १८ वटा सार्वजनिक बिदाका दिनमा पनि सेवा प्रवाह गर्ने भएको छ । कार्यालयले यही वैशाख १ देखि आगामी चैत मसान्तसम्ममा विषेश पर्वका सार्वजनिक बिदाका दिनमा पनि सेवा प्रवाह गर्ने जनाएकाे हाे ।
सार्वजनिक बिदाका दिनमा नागरिकता, राहदानी, राष्ट्रिय परिचयपत्र बनाउने लगायतका सेवा प्रवाह गरिने भएको हो । कार्यालयले बुद्ध जयन्ती, गणतन्त्र दिवस, रक्षाबन्धन, श्रीकृष्ण जन्माष्टमी, घटस्थापना, उभौली पर्वका सार्वजनिक बिदाका दिनमा सेवा प्रवाह गर्ने भएको हो ।
यसैगरी क्रिसमस डे, तमुलोसार, माघे सक्रान्ति, सहिद दिवस, सोनाम ल्होसार, प्रजातन्त्र दिवस, महाशिवरात्री, ग्याल्पो ल्होसार, अन्तराष्ट्रिय महिला दिवस, ईद उल फित्र र ईद उल अजाहमा पनि सेवा प्रवाह गरिने कार्यालयले जनाएको छ ।