मा प्रकाशित
काभ्रे, २८ वैशाख ।
काभ्रेमा एक युवकको निर्ममपूर्ण ढङ्गले हत्या गरिएको छ । आज शुक्रबार बिहान साढे ८ बजे जिल्लाको पाँचखाल नगरपालिका वडा नम्बर ४ जिरोकिलोमा एक युवक मृत फेला परेको जिल्ला प्रहरी कार्यालय काभ्रेले जनाएको छ ।
सडकबाट करिब ५० मिटर तल बिराजे खोल्चा वनमा एक पुरूषलाई मुख र छातीमा फलामको तारले रूखमा बाँधेर आगो लगाएको अवस्थामा शव फेला परेको प्रहरीले जानकारी दिएको छ ।
अन्दाजी २५ वर्षको जस्तो देखिने मृतक पहिचान खुलेको छैन। शव सडिसकेको अवस्थामा छ। प्रहरीले घटनाबारे थप अनुसन्धान अघि बढाएको छ।