कनिका खबर
साउन २, दाङ
भारतमा कोरोना भाइरस कोभिड १९ बाट सङ्क्रमित हुनेको संख्या १० लाख नाघेको छ । भारतको स्वास्थ्य मन्त्रालयका अनुसार अहिलेसम्म भारतमा कोरोना भाइरसको कारण सङ्क्रमित हुनेको संख्या १० लाख तीन हजार आठ सय ३२ पुगेको छ । पछिल्लो २४ घण्टामा मात्र भारतमा कोरोना भाइरसका ३४ हजार नौ सय ५६ नयाँ सङ्क्रमित फेला परेका छन् । भारतमा एकैदिन कोरोना भाइरसका सबैभन्दा धेरै नयाँ सङ्क्रमित थपिएका हुन् । भारतमा निरन्तर कोरोना भाइरसका एकैदिन थपिने संख्याले रेकर्ड बनाइरहेको छ । अहिलेसम्म विश्वभर अमेरिका, ब्राजिल र भारतमा मात्र कोरोना भाइरसका १० लाखभन्दा बढी सङ्क्रमित फेला परेका छन् । भारतमा कोरोना भाइरसबाट मृत्यु हुनेको संख्या पनि २५ हजार नाघेको छ । अहिलेसम्म भारतमा कोरोना भाइरसको कारण २५ हजार ६ सय ६४ जनाको मृत्यु भइसकेको छ । यसैबीच, विश्वभरि नै कोरोना भाइरसका कारण एक करोड ३९ लाख ५३ हजार भन्दा धेरै मानिस सङ्क्रमित भएका छन् । हाल सम्म विश्वभर नै गरेर पाँच लाख ९२ हजार सात सय ७८ जनाको कोरोना भाइरसकै कारण मृत्यु भएको छ । हाल सम्म ८२ लाख ८५ हजार मानिस भने सङ्क्रमित भएपछि पनि स्वस्थ्य भएको अमेरिकाको जोन हप्किन्स विश्वविद्यालयले जनाएको छ ।
मा प्रकाशित
