पर्वतमा क्वारेण्टाईनमा बसेका एक जनाको मृत्यु

कनिका खबर
साउन ३, पर्वत
पर्वतमा क्वारेण्टाईनमा बसेका एक जनाको मृत्यु भएको छ । जिल्लाको पैयुँ गाउँपालिका वडा नम्बर ६ का ५२ वर्षिय यामबहादुर भारतीको आज बिहान मृत्यु भएको हो । गाउँपालिकाको केन्द्र हुवासमा रहेको जनसेवा सँस्कृत माविको क्वारेण्टाईनमा बस्दै आएका भारतीको मृत्यु भएको पैयुँ गाउँपालिकाका अध्यक्ष खगेन्द्रप्रसाद तिवारीले जानकारी दिनुभयो । तिवारीका अनुसार क्वारेण्टाईनमा बस्दै आएका भारती हिजो रिंगटा लागेर ढलेका र उपचारका लागि पोखरा स्थित गण्डकी अस्पताल लगिएको थियो । अस्पतालमा पु¥याएका उनलाई चिकित्सकले मृत घोषणा गरेका छन् । मृतक भारती भारतबाट असार १६ गते कुस्मा आएका थिए भने कुस्माको पुलिङ क्वारेन्टाईनमा बसेका थिए । असार २३ गते कोरोनाको पिसिआर परिक्षणमा नेगेटिभ रिर्पोट आएपछि २४ गते दुई हप्ताका लागि सामुदायिक क्वारेन्टाईनमा राख्न २४ गते हुवास पठाइएको थियो ।