मा प्रकाशित
कनिका संवाददाता
बैशाख १८ दाङ ।
एमभी दुग्गड ग्रुप अन्तर्गत दाङ घोराहीस्थित बिबेक अटो मोबाईल्स प्रालिले सुरक्षाकर्मी र पैदल यात्रीलाई सहयोग गरेको छ । प्रालिले घोराही बजारका विभिन्न चोकमा खटिएका सुरक्षाकर्मी, लकडाउनका कारण पैदल हिँडेका यात्रु र असहायलाई चाउचाउ, पानी ग्लुकोज, मास्क र स्यानिटाईजर वितरण गरेको हो ।
बिबेक अटो मोबाईल्स प्रालिका दाङ शाखा प्रमुख शरद खनालले लकडाउनका कारण पैदल हिँडेका यात्रु तथा सुरक्षार्थ खटिएका प्रहरीलाई सहयोग गरिएको जानकारी दिए । ‘यो विपदका बेलामा समस्यामा परेका नागरिक तथा सुरक्षाका लागि खटिएका प्रहरीहरुलाई सहयोग गर्नु नागरिकको दायित्व हो,’ खनालले भने ‘यही दायित्व बोध गर्दै सानै भए पनि सहयोग गरेका हौँ ।’
