मा प्रकाशित
कनिका खबर
साउन ६, काठमाडौँ ।
सप्तकोसी नदीमा बिहानबाट बाढी आएको छ । पानीको बहाव उच्च भएपछि कोसी ब्यारेजका ५६ मध्ये ३६ वटा ढोका खोलिएको छ । आज बिहानको मापन अनुसार कोसी ब्यारेज भएर ३ लाख २९ हजार ३ सय ८० क्युसेक पानी प्रतिसेकेन्डका दरले बहाव भएको ब्यारेज नियन्त्रण कक्षले जनाएको छ । कोसी ब्यारेज भएर भएको यो बहाव यो वर्षको सबैभन्दा बढी हो ।
आज दिउँसो देखि भने बहाबमा केही कमि आउन थालेको सुनसरीका साहायक प्रमुख जिल्ला अधिकारी महेश कुमार पोखरेलले सीआईएनलाइ जानकारी दिनुभयो । सप्तकोसीमा बहाव बढेसँगै पश्चिमी तटबन्धसँग टाँसिएका बस्तीहरु जोखिममा परेका छन् भने मध्यकोसीमा रहेको गोबरगाढा गाउँ पानीले घेरिएको छ ।
