मा प्रकाशित
कनिका खबर
साउन ७, दाङ ।
चैत्र ११ गतेदेखि लकडाउन भएपछि राकिएको मापासे चेकिङ आजबाट सुरु हुने भएको छ । लकडाउन सुरू भएपछि मापसे चेकिङ रोकिएको थियो ।
आजबाट छोटो दुरीका सार्वजनिक यातायात सञ्चालनमा आएका छन् । यसअघि कतिपय स्थानमा छोटो दुरीका सार्वजनिक यातायात सञ्चालनमा आइसकेका थिए ।
प्रायः जिल्लामा आजबाट सार्वजनिक यातायात सञ्चालनमा आएका छन् । सार्वजनिक यातायात सञ्चालनमा आएसँगै आजबाट मापसे चेकिङ सुरु गर्न लागिएको महानगरीय ट्राफिक महाशाखाले जनाएको छ ।
महानगरीय ट्राफिक महाशाखाले उपत्यकाका सबै युनिटलाई आजबाटै मापसे चेकिङ सुरु गर्न निर्देशन दिइसकेको जनाएको छ । तत्कालै सार्वजनिक यातायातमा भने मापासे चेकिङ हुनेछैन ।
