कनिका खबर
साउन ८, दाङ ।
सरकारले गत चैत्र ११ गतेदेखिको लकडाउनको अन्त्य गरेसँगै त्रिभुवन विश्वविद्यालय र पूर्वाञ्चल विश्वविद्यालय परीक्षाको तयारीमा जुटेका छन् । सरकारले सरकारले भदौ १ बाट विद्यार्थी भर्ना र परीक्षा सञ्चालन गर्न दिने निर्णय गरेपछि रोकिएका परीक्षा मिति धमाधम सार्वजनिक भएका छन ।
त्रिभुवन विश्वविद्यालय र पूर्वाञ्चल विश्वविद्यालयले विभिन्न शंकायका परीक्षा भदौ पहिलो सातादेखि सुरू गर्ने सूचना सार्वजनिक गरेका छन् ।
त्रिविले गत चैतमा स्थगित परीक्षा भदौ ७ गते सुचारु गर्ने निर्णय गरेको छ ।
पूर्वाञ्चल विश्वविद्यालयले लकडाउनले रोकिएका पूर्वनिर्धारित परीक्षाहरू सम्बन्धित कलेजमै परीक्षा सेन्टर कायम हुने गरी भदौ पहिलो साताबाट सुरू गर्ने निर्णय गरेको छ ।