रोशन तिवारी
साउन ११, बाग्लुङ ।
बाग्लुङ नगरपालिका १ निरयघाटमा पहिरोमा परी दुईजना वेपत्ता भएका छन् । पोखरा–बागलुङ राजमार्गमा ढुंगामाटो उठाउँदै गर्दा खसेको पहिरोमा एक जेसीवी, एक ट्याक्टर र एक ट्रिपरसहित दुईजना चालक पुरिएर वेपत्ता भएको जिल्ला प्रहरी कार्यालय बागलुङका प्रहरी निरीक्षक दीपक रिजालले जानकारी दिए ।
चालक निर्मल पुन र ट्रिपर चालक रोशन नेपाली वेपत्ता भएका छन् । हिजो साँझ ८ बजे पहिरोमा पुरिएकाहरूको उद्धार हुन सकेको छैन । हिजो रातिसम्म उद्धारको प्रयास भए पनि नसकेपछि आज बिहान पुन खोजी सुरु भएको प्रहरी निरीक्षक रिजालले जानकारी दिए । प्रहरीका अनु्सार निरन्तर पहिरो खसेकाले उद्धारका लागि कठीनाइ भएको छ । वेपत्ता भएको भनिएका मानिसहरुको मोबाइलमा फोन गर्दा घण्टी बजिरहेको रिजालले बताए । पहिरोमा पुरिएका साधनहरु बागलुङ स्थित ठेकेदार बिमलेश आचार्यको रहेको बुझिएको छ ।
मा प्रकाशित
