कनिका संवाददाता
बैशाख १९, काठमाडौँ ।
नेपाल कम्युनिस्ट पार्टी (नेकपा) को भोलि बस्ने सचिवालयको बैठकको तयारी विभिन्न गुट उपगुटका नेताहरुले आआफ्नै तरिकाले गरिरहेका छन् । यसैबिच यस अघिको सचिवालय बैठकममा प्रधानमन्त्री ओलीले राखेको प्रस्तावको सन्दर्भमा अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपालबीच भेटवार्ता भएको स्रोतले जानकारी दिएको छ । भेटमा अध्यक्ष एवं प्रधानमन्त्री केपी शर्मा ओलीले राखेको प्रस्तावबारे छलफल हुने बताइएको छ ।
बुधबार साँझ बसेको सचिवालय बैठकमा नेताहरुले राजीनामा मागेपछि ओलीले कोरोनाको संकट समाधान भएपछि उपाध्यक्ष बामदेव गौतमलाई प्रधानमन्त्री र वरिष्ठ नेता माधवकुमार नेपाललाई पार्टीमा तेस्रो अध्यक्ष बनाउने प्रस्ताव राखेका थिए । अब भोलि बस्ने सचिवालय बैठकले प्रधानमन्त्री ओलीको प्रस्तावलाई कसरी लिने हो, त्यसलाई अर्थपूर्ण रुपमा हेरिएको स्रोतले बताएको छ ।
