मा प्रकाशित
कनिका खबर
साउन १६, दाङ ।
कोरोना भाइरस (कोभिड–१९) का कारण वीरगञ्जम थप दुई जनाको मृत्युु भएसँगै नेपालमा कोरोनाका कारण मृत्यु हुनेको सङ्ख्या ५४ पुगेको छ । वीरगञ्जमा ३५ र ६५ वर्षका पुरुषको हिजो उपचारका क्रममा मृत्यु भएको हो ।
वीरगञ्ज–१६ नगवाका ३५ वर्षीय पुरुषको गण्डक कोरोना अस्पतालमा उपचारका क्रममा मृत्यु भएको अस्पतालले जनाएको छ । उनको उपचारकै क्रममा हिजो करिब ८ बजे मृत्यु भएको गण्डक अस्पतालका डाक्टर निरज सिंहले बताउनुभयो । वीरगञ्जमा घरमै मृत्यु भएका एक जनामा पनि कोरोना सङ्क्रमण पुष्टि भएको छ । वीरगञ्ज–२ छपकैयाका ६५ वर्षीय पुरुषको घरमै मृत्यु भएको जानकारी आएपछि नारायणी अस्पतालको टोलीले हिजो दिउँसो स्वाब सङ्कलन गरेको थियो । बेलुका ती व्यक्तिमा कोरोना पुष्टि भएको रिपोर्ट आएको हो ।
