गुल्मीमा पहिरोले घर बगाउँदा ४ जनाको मृत्यु

कनिका खबर
साउन १६, गुल्मी ।
गुल्मीमा पहिरोले घर बगाउँदा ४ जनाको मृत्यु भएको छ । जिल्लाको रुरुक्षेत्र गाउँपालिका वार्ड न ५ टाहाटिम आटिपाटामा शुक्रबार साँझ पहिरोले घर बगाउँदा एकै घरका ४ जनाको ज्यान गएको हो ।

लगातारको वर्षाका कारण माथिबाट खसेको पहिरोले स्थानीय राजु बोटेको घर बगाउँदा चार जनाको ज्यान गएको वडा अध्यक्ष हरि ज्ञवालीले जानकारी दिए । पहिरोमा परेर राजु बोटेकी श्रीमती र दुई छोरा र एक छोरिको ज्यान गएको उनले बताए ।

राजु बोटे भने वैदेशिक रोगारीमा छन । अहिले घटनामा परेकाहरुको उद्धारका लागि इलाका प्रहरी चौकी रिडी र इलाका प्रहरी चौकी जोहाङ्गको टोली घटना स्थल जाँदै छ ।