मा प्रकाशित
काठमाडौँ, १५ साउन ।
नेपाल प्रिमियर लिग (एनपिएल) को पहिलो संस्करणबाट नेपाल क्रिकेट संघ (क्यान) ले २ करोड ४६ लाख ५० हजार ७८९ रुपैयाँ बचत गरेको छ । क्यानले गत वर्ष सम्पन्न एनपिएलको खर्च विवरण सार्वजनिक गर्दै २ करोड ४६ लाख ५० हजार ७८९ रुपैयाँ बचत गरेको बताएको हो ।
एनपिएलको पहिलो संस्करणमा २७ करोड ६९ लाख ६४ हजार ८१८ रुपैयाँ आम्दानी भएको छ । प्रतियोगिता सम्पन्न गर्न २० करोड १५ लाख ७३ हजार ५५९ रुपैयाँ खर्च भएको क्यानका प्रवक्ता छुम्बी लामाले जानकारी दिए ।
जसबाट बचत रकमको ५० प्रतिशत अर्थात ४ करोड ३७ लाख ४० हजार ४७० रुपैयाँ ८ फेन्चाइच टोलीलाई बाडिएको छ । बाँकी ५० प्रतिशतबाट ७० लाख रुपैयाँ प्रदेशलाई बाँडिएको छ । बाँकी २ करोड ४६ लाख ५० हजार ७८९ रुपैयाँ क्यानको खातामा बचत भएको छ ।
