मा प्रकाशित
कनिका खबर
साउन १९, मुगु
वैदिक सनातन धर्मावलम्बीले हिमाली जिल्ला मुगुमा पनि आज देश भर झै मुगुमा पनि रक्षाबन्धन अर्थात जनै पूर्णिमा मनाईएको छ । श्रावण शुक्ल पूर्णिमाका दिन बिहानैदेखि यहाँका प्रसिद्ध तिर्थ धाम, तिर्थ स्थल नदी, रारा तालमा गई स्नान गरी गुरु पुरोहितबाट रक्षासूत्र बाँधेका छन् । स्थानीय गुरु पुजारीहरुले विधिपूर्वक मन्त्रिएको यज्ञोपवीत एवं डोरो रक्षासूत्र धारण गरेमा नकारात्मक तत्वबाट सुरक्षा प्राप्त हुने धार्मिक विश्वास रहेको बताएका छन् ।
आज विहानै देखि छायानाथ रारा नगरपालिका वडा नं १ स्थित रहेको कालिका मालिका मन्दिरमा भक्त जनहरुको भिड रहेको थियो । जिल्लाका प्रसिद्ध तिर्थ स्थलहरु छायानाथ धाम , ऋणिमोक्क्ष तिर्थ लगायतका अन्य ससाना मठ मन्दिरहरुमा आज रक्षा बन्धनको समयमा घुईचो लागेको पुजारी भिम प्रसाद चौलागाईले जानकारी दिनु भयो ।
