भक्तपुरमा हालसम्म ५० जना कोरोना सङ्क्रमणपछि निको भए

कनिका खवर
साउन २०, दाङ
भक्तपुरमा हालसम्म ५० जना कोरोना सङ्क्रमणपछि निको भएका छन् । संक्रमित ५९ जनामध्ये अब ९ जना अस्पतालमा उपचाररत छन् । भक्तपुर जिल्लाका चारवटै नगरपालिकामा कोरोना सङ्क्रमित फेला परेका छन् । भक्तपुर नगरपालिका क्षेत्रमा जिल्लामै सबैभन्दा बढी १७ जनामा कोरोना सङ्क्रमण पुष्टि भएको छ । यस्तै चाँगुनारायण नगरपालिकामा १२ जना, मध्यपुर थिमि नगरपालिकामा ८ जना र सूर्यविनायक नगरपालिकामा ६ जनामा कोरोना सङ्क्रमण पुष्टि भएको छ । अन्य १६ जना सङ्क्रमित भक्तपुरमै रहेको भएपनि उनीहरूको ठेगाना खुलाइएको छैन । जिल्ला जनस्वास्थ्य कार्यालय कटुञ्जे भक्तपुरका प्रमुख कृष्ण मिजारका अनुसार सङ्क्रति हुनेमा २८ जना पुरुष र ३१ जना महिला रहेका छन् ।