कनिका खबर
साउन २२, नुवाकोट
त्रिदेशीय मार्गको रुपमा रहेको त्रिशूली–स्याफ्रुवेशी–रसुवागढी सडक पहिरोका कारण अवरुद्ध भएपछि पन्छाउने कार्य भइरहेको छ । अविरल वर्षाले खसेको पहिरोले रसुवागढी नाका जोड्ने सडक यस वर्ष पाँच दिन अगाडि दशौं पटक अवरुद्ध भएको हो । अवरुद्ध रसुवागढी नाका जोड्ने सडक एक हप्ताभित्र एकतर्फी सञ्चालनमा ल्याउने योजना अनुसार कार्य भइरहेको सडक कार्यालयले जनाएको छ । धुञ्चे–स्याफ्रुबेसी सडकखण्डको भार्खुडाँडामा पहिरोले कटान भएको सडक मर्मतको काम चलिरहेकाले अबको एकहप्ताभित्र सञ्चालनमा आउने सडक डिभिजनल कार्यालय नुवाकोटले जानकारी दिएको छ । नेपाल–चीन प्रवेशका लागि छोटो दुरीको रसुवागढी नाका हाल सञ्चालनमा रहेको छोटो दुरीको एउटै नाका हो । सो सडकमार्गको धुन्चे–स्याफ्रुबेसी सडक खण्डको खोपाङ भीरमा ठुलो पहिरो गएपछि सडक फेरी अवरुद्ध भएको जिल्ला प्रहरी कार्यालय रसुवाले जनाएको छ ।
मा प्रकाशित
