काठमाडौँ । सेनेगल र माली जारी अफ्रिका कप अफ नेसन्सको क्वाटरफाइनलमा पुगेका छन् ।
गएराती सम्पन्न राउण्ड १६ अन्तर्गतको खेलमा सेनेगलले सुडानलाई र मालीले ट्युनिसियालाई पराजित गरेर प्रतियोगिताको क्वाटरफाइनलमा पुगेका हुन् ।
सेनेगलले सुडानलाई ३-१ गोल अन्तरले पराजित गरेको थियो । सेनेगलको जितमा पापे गुएयेले दुई गोल गरे भने इब्राहिम एमबाएले एक गोल गरेका थिए । त्यस्तै सुडानका लागि एक गोल आमिर अबदल्ल्लाह युनिसले गरेका थिए ।
त्यस्तै अर्को खेलमा मालीले ट्युनिसियालाई पेनाल्टी सुटआउटमा ३-२ ले पराजित गरेको थियो । निर्धारित ९० मिनेटको खेलमा दुवैले १-१ गोल गरेपछि खेलको निर्णय पेनाल्टी सुटआउटबाट गरिएको थियो । अब क्वाटरफाइनलमा सेनेगल र माली भिड्ने भएका छन् ।
त्यस्तै राउण्ड १६ अन्तर्गत आज मोरक्कोले तान्जानियाको सामना गर्दैछ भने दक्षिण अफ्रिकाले क्यामरुनको सामना गर्दैछ ।
