कनिका खबर
साउन २६, बझाङ
बझाङको केदारस्युँ गाउँपालिका वडा नम्बर ८ मल्लेसीमा असार १९ गते राति गएको पहिरोमा पुरिएर बेपत्ता भएका युवकको शव भेटिएको छ । स्थानीयले खोजी गर्दा गाउँमै भत्किएको घर मुनि च्यापिएको अवस्थामा २० वर्षिया गिरी जेठाराको शव भेटिएको स्थानीय लोकेन्द्र बिकले जानकारी दिनुभयो । यसअघि पहिरोमा परी ४३ वर्षीया राम्मतीदेवी जेठारा, १६ वर्षीया शान्ति कुमारी जेठारा, १३ वर्षीय बालक प्रयाग जेठारा र ७ वर्षीया बालिका अष्मिता जेठाराको ज्यान मृत्यु भएको थियो ।
त्यस्तै, १५ वर्षीया बालिका सन्तु जेठारा र ८१ वर्षीय दले जेठाराको पनि पहिरोमा परी ज्यान गएको थियोे । मल्लेसीमा पहिरोले २२ घर बगाएको थियो भने पहिरोमा परी ७ जनाले ज्यान गुमाएका छन् ।