कनिका खबर
साउन २९, काठमाडौं
शिक्षा, विज्ञान तथा प्रविधि मन्त्री गिरिराजमणि पोखरेलले नोवेल कोरोना भाइरस (कोभिड–१९) ले शैक्षिक शत्रमा पारेको असरबारे प्रतिवेदन तयार पार्न पाठ्यक्रम विकास केन्द्रलाई निर्देशन दिनुभएको छ । आफ्नै अध्यक्षतामा बसेको पाठ्यक्रम विकास तथा मूल्याङ्कन परिषद्को बैठकमा हिजो मन्त्री पोखरेलले यस्तो निर्देशन दिनुभएको हो ।
गत चैतदेखि पढाई ठप्प भएर शैक्षिक सत्र प्रभावित हुने भएपछि मन्त्रीले केन्द्रलाई विस्तृत अध्ययन गर्न आग्रह गर्नुभएको हो । सरकारले कोरोनाका कारण स्थगित परीक्षा र विद्यार्थी भर्ना कम्तिमा १५ भदौसम्म खुल्ला गर्न नपाइने निर्णय गरिसकेको छ ।