काठमाडौँ । इरान युद्ध चर्किरहेका बेला अमेरिकी राष्ट्रपति डोनाल्ड ट्रम्प चीन भ्रमणका लागि प्रस्थान गरेका छन् । भ्रमणका क्रममा उनको चिनियाँ राष्ट्रपति सी जीङपीङसँग भेटवार्ता हुने तय भएको छ ।
ट्रम्पले बेइजिङमा सी जिनपिङसँगको औपचारिक बैठक बिहीबार र शुक्रबारका लागि प्रस्ताव गरिएको छ । यो पछिल्लो ९ वर्षयता ट्रम्पको पहिलो चीन भ्रमण हो ।
भ्रमणअघि ट्रम्पले इरानको विषयमा शी जिनपिङसँग लामो छलफल हुने बताएका छन् । उनले इरानलाई चेतावनी दिँदै सम्झौता नगरे ठूलो क्षति व्यहोर्नुपर्ने बताएका छन् । ट्रम्पले अमेरिकासँग सैन्य र कूटनीतिक दुवै विकल्प खुला रहेको पनि उल्लेख गरेका छन् ।
यसअघि इरानले फेरि आक्रमण भए ९० प्रतिशतसम्म युरेनियम संवर्द्धनतर्फ अघि बढ्न सक्ने चेतावनी दिएको थियो । विश्लेषकहरूले इरान संकट समाधानमा चीनको भूमिका महत्वपूर्ण हुन सक्ने बताएका छन् । चीनलाई इरानको प्रमुख आर्थिक तथा रणनीतिक साझेदार मानिन्छ ।
