मा प्रकाशित
कनिका खबर
भदौ ३, काठमाडौं
राष्ट्रकवि माधवप्रसाद घिमिरेको राष्ट्रिय सम्मानका साथ अन्त्येष्टि गरिएको छ । उहाँको आज मध्यान्ह पशुपति आर्यघाटमा अन्त्येष्टि गरिएको हो । राष्ट्रकविको सम्मानमा नेपाली सेना र सशस्त्र प्रहरीको टुकडीले सलामी अर्पण गरेको थियो ।
आज बिहान घिमिरे निवास कपुरधारा पुगेर उपप्रधान एवम् रक्षामन्त्री ईश्वर पोखरेलले घिमिरेको पार्थिव शरीरमा राष्ट्रिय झण्डा ओढाउँदै श्रद्धाञ्जली अर्पण गर्नुभएको थियो । घिमिरेको एक सय एक वर्षको उमेरमा हिजो साँझ पाँच बजेर ५५ मिनेटमा निधन भएको थियो । घिमिरेको जन्म विक्रम संवत १९७६ साल असोज सात गते लमजुङको पुस्तुन गाउँमा भएको थियो ।
