कनिका खबर
भदौ ४, काठमाडौं
सत्तारुढ नेपाल कम्युनिस्ट पार्टी (नेकपा) को भ्रातृ संगठन अनेरास्ववियूले बाढी, पहिरो तथा डुवानबाट मुत्यु भएका परिवारजनलाई कम्तिमा १० लाख क्षतिपूर्ति दिन माग गरेको छ । अनेरास्ववियूका संयोजक ऐन महरले आज एक विज्ञप्ती जारी गर्दै बेपत्ता भएकाको तीव्र खोजी गर्न, घाइतेको उपचार र विस्थापितलाई तत्काल राहत उपलब्ध गराउन सरकार तथा सम्बन्धित निकायसमक्ष अपिल गर्नुभएको हो । तत्काल जीवन रक्षाको लागि उद्दार र राहत वितरणको कार्यमा समेत भएको ढिलाई जस्ता घटनाका कारण सिंगो अनेरास्ववियू स्तब्ध भएको महरको भनाइ छ । सिन्धुपाल्चाकको बाह्रविसे नगरपालिका, जुगल गाउँपालिका, बाजुराको बुढिनन्दा नगरपालिका, अछामको रामारोशन गाउँपालिका, बझाङको बुंगल नगरपालिका, केदारसियुँ गाउपालिका लगायतका स्थानमा गएको बाढी पहिरोले ठूलो मात्रामा जनधनको क्षति बेहोर्नुपरेको महरले बताउनुभयो । साथै बर्सेनि हुने तराईको डुवानको दिर्घकालिन समाधान खोज्नु जरुरी रहेको उहााको भनाइ छ ।
अनेरास्ववियूका अनुसार यो बर्ष मात्रै बाढी र पहिरो र डुवानका कारण तीन सय जना भन्दा बढीको मृत्यू भैसकेको छ भने सयौंको संख्यामा घाइते र बेपत्ता भएका छन् । हजारौं मानिस घरबार बिहीन भएका भएको र ठुलो संख्यामा कृषि उपज एवं आर्थिक र भौतिक संरचनामा क्षति पुगेको छ । यस्ता प्रकोपमा सुरक्षित तवरले राहत र उद्दारको कार्यमा तत्कालै क्रियाशील रहन देशभर रहेका अनेरास्ववियूका सम्बन्धित स्थानका सम्पूर्ण कार्यकर्ता तथा शुभेच्छुकमा संयोजक महरको आग्रह छ । बाढी र पहिरोका घटना ब्यहोर्नुपरेको अवस्थामा अनेरास्ववियू विगत देखि नै राहत र उद्दारमा निरन्तर क्रियाशील रहँदै आएको पनि उहाँको भनाइ छ ।
