मा प्रकाशित
कनिका खबर
भदौ ४, दाङ
भारतमा कोरोना भाइरसका कारण सङ्क्रमित हुनेको सङ्ख्या २८ लाख नाघेको छ । भारतीय स्वास्थ्य मन्त्रालयले जारी गरेको अद्यावधिक विवरण अनुसार पछिल्लो २४ घन्टामा भारतमा ६९ हजार ६ सय ५२ जना नयाँ सङ्क्रमित थपिएका छन् । यो सँगै भारतमा कोरोना भाइरसका कारण सङ्क्रमित हुनेको सङ्ख्या २८ लाख ४१ हजार तीन सय ३७ पुगेको छ । कोरोना सङ्क्रमणका कारण विश्वकै तेस्रो प्रभावित मुलुक भारतमा पछिल्लो २४ घन्टामा थप नौ सय ७७ जनाको मृत्यु भएको छ । योसँगै भारतमा कोरोना सङ्क्रमणका कारण मृत्यु हुनेको संख्या ५४ हजार १७ पुगेको छ । यस्तै हालसम्म भारतमा कोरोना भाइरसका कारण सङ्क्रमित भएकामध्ये २० लाख ९६ हजार ६ सय ६५ जना स्वस्थ भइसकेका छन् । भारतको महाराष्ट्र, तमिलनाडु, कर्नाटक, दिल्ली लगायतका राज्य कोरोनाका कारण सबैभन्दा बढी प्रभावित बनेको छ ।
