मा प्रकाशित
कनिका खबर
भदौ ५, दाङ ।
एक जना रुसी विपक्षी नेता अलेक्सी नल्भानीको उपचारमा सबै खालको सहयोग गर्न तयार रहेको जर्मनीले जनाएको छ।राष्ट्रपति भ्लादिमिर पुटिनका खरो आलोचक मानिने उहाँलाई विष दिइएको आशङ्का गरिएका छ । रुसको एउटा अस्पतालमा कोमामा उहाँको उपचार भइरहेको छ । भ्रष्टाचार विरोधी अभियानकर्ताको छवि बनाएका नल्भानी आन्तरिक उडानका क्रममा बेहोस भएपछि उहाँ सवार जहाजलाई आपतकालीन रूपमा अवतरण गराइएको थियो । बीबीसीका अनुसार चिकित्सकहरूले विष खुवाएको आशंका गरेका छन् । तर एकिन खबर सार्वजनिक भएको छैन । नल्भानीको समूहले विमानस्थलको क्याफेमा उहाँलाई चियामा विष हालेर दिइएको दाबी गरेका छन ।
