कनिका खबर
भदौं ८, मुगु
खाँदबारी नगरपालीकाले नगरक्षेत्र भित्र सञ्चालित १३ वटा योजनाका उपभोक्ता समितिका महिला अध्यक्षलाई सम्मान गरेको छ । महिला सहभागिता बिना दिगो बिकास गर्न नसकिने भन्दै नगरक्षेत्रभित्रका १३ वटा बिभिन्न उपभोक्ता समितिका महिला अध्यक्षहरुलाई सम्मान गरिएको खाँदबारी नगरपालिकाका निमित्त प्रमुख प्रशासकिय अधिकृत दिपकमणी घिमिरेले जानकारी दिनुभयो ।
खाँदबारी नगरपालीकाका प्रमुख मुरारीप्रसाद खतिवडाले महिलाले नेतृत्व गरेको अधिकांश बिकास निर्माणको योजना निर्धारित समयमा पारदर्शी र सहभागितामुलक ढंगबाट सम्पन्न भएको भन्दै प्रशंसा गर्नूभएको थियो ।
आगामी दिनमा समेत नगरपालिकाले महिला उद्यमशिलताको बिकास र क्षमता अभिबृद्धिका कार्यक्रमलाई थप प्राथमिकताका साथ स्थान दिने प्रतिवद्धता ब्यक्त गर्नूभएको थियो । कार्यक्रममा महिला अध्यक्षहरुको तर्फबाट ओमशान्ति भवन निर्माण उपभोक्ता समितिका अध्यक्ष रोचना आचार्यले आफुहरुले लिएको कामको जिम्मेवारी सफलतापुर्वक सम्पन्न भएको भन्दै नगरपालिकाले सम्मान गरेकोमा खुशी ब्यक्त गर्नूभएको थियो । उहाँले आगामी दिनमा थप हौसलाका साथ बिकास निर्माणको काममा लाग्ने धारणा राख्नुभएको थियो ।
