मा प्रकाशित
किनिका खबर
भदौं १०, दाङ
भारतमा यो महिनामा मात्रै १५ लाखभन्दा बढी मानिसमा कोरोना सङ्क्रमण पुष्टि भएको छ । भारतको स्वास्थ्य तथा परिवार कल्याण मन्त्रालयको तथ्यांक अनुसार भारतमा अगस्ट महिनामा मात्रै १५ लाख ३० हजारमा कोरोना सङ्क्रमण पुष्टि भएको छ । एकै महिनामा कुनै पनि देशमा कोरोना सङ्क्रमण पुष्टि भएको यो दोस्रो उच्च संख्या हो । यसअघि अमेरिकामा गत जुलाई महिनामा करिब २० लाख मानिसमा कोरोना सङ्क्रमण पुष्टि भएको थियो । अगस्ट महिना सकिँदासम्म यो संख्या अझ बढ्न सक्ने देखिएको छ । केही दिनयता भारतमा दैनिक औसत ६० हजारभन्दा बढीमा कोरोना पुष्टि हुँदै आएको छ । भारतमा पछिल्लो २४ घण्टामा मात्रै ६७ हजार १ सय ५१ जनामा कोरोना सङ्क्रमण देखिएको छ भने एक हजार ५९ जनाको मृत्यु भएको छ ।
