मा प्रकाशित
कनिका खबर
भदौं ११, काठमाडौं
कोरोना सङ्क्रमणबाट २४ घन्टामा थप ८ को मृत्यु भएको स्वास्थ्य तथा जनसंख्या मन्त्रालयले औपचारिक रुपमा पुष्टि गरेको छ । मृतकमा ५ जना महिला र ३ जना पुरुष रहेका छन् ।
आज आयोजित नियमित पत्रकार सम्मेलनमा प्रवक्ता डा. जागेश्वर गौतमले दिएको जानकारी अनुसार मृत्यु हुने महिलामा ललितपुरकी ६५ वर्षका महिला, बाराका २३ वर्षीया, कास्कीकी ३२ वर्षीया, रुपन्देहीकी ७० वर्षीया र बाँकेकी ७० वर्षीया महिला रहेका छन् । यस्तै मृत्यु हुने पुरुषमा काठमाडौँका ४८ वर्षका, पर्साका ६२ वर्षका र कपिलवस्तुका ५९ वर्षका रहेका छन् ।
यो सँगै नेपालमा कोरोना सङ्क्रमणबाट मृत्यु हुनेको संख्या १८३ पुगेको छ ।
