कनिका खबर
भदौं ११, मुगु
जिल्ला प्रहरी कार्यालय मुगुले भदौ महिनाको १० दिनमा १२ जना फरार अभियुक्तलाई पक्राउ गरेको छ । जबरजस्ती करणी र चोरी मुद्दा, कुटपिट, सामान्य झगडाका फरार अभियुक्तलाई पक्राउ गरेको जिल्ला प्रहरी कार्यालय मुगुले जनाएको छ । जिल्लाको पश्चिमी भेगमा पर्ने खत्याड गाउँपालिका वडा नम्बर ११ रिखिया बस्ने परेक राज शाहीका छोरा वर्ष २१ का शुक्रराज शाहीलाई २०७७ साल भदौ ९ गते साझँ ७ : ३० बजे खत्याड गाउँपालिका वडा नं ११ बिरा बगर भन्ने स्थानबाट पक्राउ गरेको जिल्ला प्रहरी कार्यालय मुगुका प्रहरी नायव उपरिक्षक भुवनेश्वरप्रसाद साहले जानकारी दिनुभयो ।
भारतको पञ्जावमा लुकेका शाही लकडाउनको मौका छोपेर घर पुगेका शाही लुकेर बसेको अवस्थामा प्रहरीले पक्राउ गरेको डिएसपी शाहले बताउनुभयो । २०७४ फागुन २१ गते अदालतले शाहीलाई १० वर्ष कैद र ६९ हजार तीनसय रुपैयाँ जरिवनाको फैसला गरेको थियो ।
कार्यालयले भदौ महिनाको १० दिनमा १२ जना फरार अभियुक्त लाई पक्राउ गरेको उहाँले बताउनुभयो । जिल्ला प्रहरी कार्यालय मुगुले अभद्र व्यवहार, लागू औषध ओसार पसार गर्ने व्यक्तिलाई पक्राउ गरेर अदालतमा पेश गरेको छ ।
