कनिका खबर
भदौं १२, काठमाडौं
कोरोना सङ्क्रमित भएको मध्ये आधाभन्दा बढी सङ्क्रमण मुक्त भएका छन । अहिलेसम्म ५६ दशमलव ५ प्रतिशत निको भएका छन । गएको २४ घण्टामा ५ सय ६९ जना निको भएसँगै कोरोना जित्नेको संख्या २० हजार ७३ पुगेको स्वास्थ्य तथा जनसंख्या मन्त्रालयले जनाएको छ । संक्रमितको संख्या बढेसँगै काठमाडौं उपत्यकामा भने थप कडाई गरिने भएको छ । हिजो १ हजार १ सय ११ जनामा कोरोना भाइरसे सङ्क्रमित थपिएकोमा उपत्यकामा मात्रै थप ३ सय ७७ जनामा कोरोना सङ्क्रमण पुष्टि भएको छ । पछिल्लो केही दिन यता काठमाडौं उपत्यका कोरोना भाइरस सङ्क्रमणको केन्द्र बन्न थालेसंगै प्रशासनले कडाइ गरेको छ ।
अहिले लागु गरिएको निषेधाज्ञामा थप कडाइ गरिने र जाँचको दायरालाई पनि बढाउने काम भइरहेको भक्तपुरका प्रमुखजिल्ला अधिकारी हुमकला पाण्डेले बताउनुभयो । जोखिम बढ्दै जाँदा सरकारसँगै नागरिकले पनि उच्च सतर्कता अपाउनुपर्ने उहाँले बताउनुभयो ।