मा प्रकाशित
कनिका खबर
भदौ १८, दाङ ।
राप्ती स्वास्थ्य विज्ञान प्रतिष्ठानमा आज जाँच गरिएका दाङका सबै जनाको पिसिआर रिपोर्ट नेगेटिभ आएको छ । राप्ती स्वास्थ्य विज्ञान प्रतिष्ठानमा आज लमहीमा संकलन गरिएका २८, प्रतिष्ठानको फिवर क्लिनिक र प्रतिष्ठानको कर्मचारी गरी संकलन गरिएको २८, रोल्पाबाट संकलित ३ जना सबैको स्वाब परीक्षण गर्दा आज नेगेटिभ आएको छ ।
प्रतिष्ठानमा परीक्षण गरिएका रिपोर्ट २४ घण्टापछि मात्र मन्त्रालयमा अद्यावधिक हुने गर्दछन् । आज मन्त्रालयले आफ्नो मिडिया ब्रिफिङमा दाङका ४ जनामा कोरोना पोजेटिभ भनेर तथ्याङ्क सार्वजनिक गरे पनि त्यो संख्या हिजोको परीक्षण रहेको छ । आजको विवरणलाई मन्त्रालयले भोलिको अपडेटमा समावेश गर्ने गर्दछ । यस्तो गर्दा स्वास्थ्य कार्यालय र मन्त्रालयको विवरणमा फरक पर्ने समस्या आएको छ ।
