मा प्रकाशित
कनिका खबर
भदौं २१, भक्तपुर
नेपाल ओलम्पिक कमिटी (एनओसी) ले सम्पूर्ण ओलम्पियन खेलाडीको कोरोना बीमा गर्ने भएको छ । एनओसीको हिजो बसेको बैठकले नेपालका सम्पूर्ण ओलम्पियन खेलाडीको कोरोना बीमा गर्ने निर्णय गरेको हो । बैठकले ओलम्पियनसँगै ओलम्पिकको तयारी गरिरहेका खेलाडी र प्रशिक्षक, एनओसीका सदस्य तथा कर्मचारीको समेत कोरोना बीमा गर्ने निर्णय गरेको छ । एनओसीले कोरोना सङ्क्रमित महासचिव निलेन्द्रराज श्रेष्ठसहित अन्य ४ कर्मचारी कोरोना मुक्त भएको समेत जानकारी दिएको छ । यस्तै कोरोना सङ्क्रमित ओलम्पियन जितबहादुर केसीलाई स्वास्थ्यलाभको कामना गरेको छ । बैठकले एनओसीको मेडिकल कमिसनका अध्यक्ष डा. सरोज कृष्ण श्रेष्ठलाई संघको कार्यालय सञ्चालनका लागि नयाँ सुरक्षा प्रोटोकल तयार गर्न निर्देशन समेत दिएको छ ।
