कनिका खबर
भदौ २२, ललितपुर ।
कोरोना भाइरसबारे मिथ्या भ्रम फैलाउने एक जनालाई आज सोमबार प्रहरीले पक्राउ गरेको छ ।
पक्राउ पर्नेमा ललितपुर महानगरपालिका १४ नक्खिपोटका ५१ वर्षीय सुबास सुब्बा लिम्बु रहेका छन्। । उनले युट्युबमा अन्तर्वार्ताको क्रममा कोरोना नभई सरकारले हावा कुरा गरेको बताएका थिए।
उनले कोरोना संक्रमितको मृत्युपछि आफन्तलाई भेट्न नदिई शरीरका विभिन्न महत्वपूर्ण अंगहरु बेचबिखन गरी सरकारले भष्ट्राचार गरिरहेको समेत आरोप लगाएका थिए।
प्रहरीले उनलाई सोमवार ललितपुर नक्खिपोटबाट पक्राउ गरी कारबाहीको लागि प्रहरी परिसर ललितपुर पठाएको छ।